Italiya shimoli-sharqida harbiy mashg‘ulotlar davomida Polsha qurolli kuchlari vertolyoti quladi. Bu haqda “Gazeta.ru” xabar bermoqda.
Havo kemasi halokati Paduya provinsiyasida, Massanzago shahri yaqinida ro‘y berdi. Vertolyot bortida 5 nafar polyak va bir fransuz harbiysi bo‘lgan.
Mashq parvozi chog‘ida vertolyot turbinasi alanga oldi va uchuvchi favqulodda qo‘nishni amalga oshirdi.
Guvohlarga ko‘ra, qo‘nish paytida vertolyot bortida yong‘in sodir bo‘ldi. Unda bo‘lgan harbiylar jiddiy jarohat olmagani, ularga tibbiy yordam ko‘rsatilgani bildirilmoqda.
Izoh (0)