Италия шимоли-шарқида ҳарбий машғулотлар давомида Польша қуролли кучлари вертолёти қулади. Бу ҳақда «Газета.ru» хабар бермоқда.
Ҳаво кемаси ҳалокати Падуя провинциясида, Массанзаго шаҳри яқинида рўй берди. Вертолёт бортида 5 нафар поляк ва бир француз ҳарбийси бўлган.
Машқ парвози чоғида вертолёт турбинаси аланга олди ва учувчи фавқулодда қўнишни амалга оширди.
Гувоҳларга кўра, қўниш пайтида вертолёт бортида ёнғин содир бўлди. Унда бўлган ҳарбийлар жиддий жароҳат олмагани, уларга тиббий ёрдам кўрсатилгани билдирилмоқда.
Изоҳ (0)