Kreml rasmiy vakili Dmitriy Peskov Rossiya prezidenti Vladimir Putin amerikalik rejissor Oliver Stounga AQSh vertolyotidan olingan videoyozuvni ko‘rsatib, uni Rossiyaning Suriyadagi operatsiyasi deb izohlaganini inkor qildi. Bu haqda Meduza xabar bermoqda.
Nashrning bu boradagi savoliga Peskov “Bunday emas. Bo‘lmagan gap” deb javob berdi.
Oliver Stoun muallifligidagi “Putin” serialining uchinchi qismida Putin rejissorga Rossiya aviatsiyasi Suriyada qanday ishlayotgani aks etgan videoyozuvni ko‘rsatgan. Keyinroq ma’lum bo‘lishicha, aslida bu AQSh vertolyotidan olingan video bo‘lib, unda Afg‘onistonda “Tolibon”ning amerikaliklar tomonidan o‘qqa tutilishi aks etgan ekan.
Кадры «работы ВКС РФ против ИГ», которые Путин показывал Оливеру Стоуну, взяты из американского видео 2013 года, снятого в Афганистане pic.twitter.com/3qKNxjgCE2
— CIT (@CITeam_ru) June 20, 2017
Serialning uchinchi qismi 21-iyun kuni Rossiyaning Birinchi kanali orqali namoyish etiladi.
Izoh (0)