Кремль расмий вакили Дмитрий Песков Россия президенти Владимир Путин америкалик режиссёр Оливер Стоунга АҚШ вертолётидан олинган видеоёзувни кўрсатиб, уни Россиянинг Суриядаги операцияси деб изоҳлаганини инкор қилди. Бу ҳақда Meduza хабар бермоқда.
Нашрнинг бу борадаги саволига Песков «Бундай эмас. Бўлмаган гап» деб жавоб берди.
Оливер Стоун муаллифлигидаги «Путин» сериалининг учинчи қисмида Путин режиссёрга Россия авиацияси Сурияда қандай ишлаётгани акс этган видеоёзувни кўрсатган. Кейинроқ маълум бўлишича, аслида бу АҚШ вертолётидан олинган видео бўлиб, унда Афғонистонда «Толибон»нинг америкаликлар томонидан ўққа тутилиши акс этган экан.
Кадры «работы ВКС РФ против ИГ», которые Путин показывал Оливеру Стоуну, взяты из американского видео 2013 года, снятого в Афганистане pic.twitter.com/3qKNxjgCE2
— CIT (@CITeam_ru) June 20, 2017
Сериалнинг учинчи қисми 21 июнь куни Россиянинг Биринчи канали орқали намойиш этилади.
Изоҳ (0)