Rossiyaning Su-27 qiruvchisi 19-iyun kuni Boltiq dengizi ustida AQShning RC-135 razvedkachisidan bir yarim metr nariroqdan uchib o‘tdi. Bu haqda AQSh hukumati Fox News telekanali orqali bayonot berdi, deb xabar qiladi Meduza.
AQSh hukumatidagi manbalardan birining bildirishicha, Su-27 parvozi betartib va provokatsion bo‘lgan. Rossiya qiruvchisi raketalar bilan qurollangani ma’lum.
AQSh mudofaa vazirligi “Interfaks”ga bergan bayonotida ushbu voqeani tasdiqladi va samolyot tutib qolish chog‘ida yaxshi boshqarilmagani, shuningdek, yuqori tezlik tufayli ushbu xatti-harakat xavfsiz bo‘lmaganini bildirdi.
Izoh (0)