London politsiyasi Grenfell Tower ko‘p qavatli turar joy binosida yuz bergan yong‘in oqibatida 58 kishi halok bo‘lgan, deb hisoblamoqda. Bu haqda Meduza xabar bermoqda.
Politsiya vakili Styuart Kandining ma’lum qilishicha, rasman bu odamlar bedarak yo‘qolgan, deb hisoblanilmoqda. Bu son ichida jasadlari o‘likxonaga olib borilgan 16 kishi ham bor.
Kandining so‘zlariga ko‘ra, qurbonlar soni ko‘payishi mumkin, biroq u “bunday bo‘lmasligini juda ham xohlaydi”. Avvalroq qurbonlar soni 30 kishi ekani haqida rasmiy axborot berilgan edi.
“Bi-bi-si” ma’lumotlariga ko‘ra, taxminan 70 kishi bedarak yo‘qolgan, deb gumon qilinayotgan bo‘lishi mumkin.
London g‘arbidagi 27 qavatli Grenfell Tower turar joy binosida 14-iyunga o‘tar kechasi yong‘i yuz bergan edi. Olov binoning barcha qavatlarini qamrab olgan; uyda taxminan 600 kishi bo‘lgan.
Ma’lumotlarga ko‘ra, qurbonlarning bir qismi yong‘in xavfsizligi yo‘riqnomasiga rioya etib, binodan chiqmaslikka qaror qilgan.
Izoh (0)