Liviya sohil qo‘riqlash xizmati O‘rtayer dengizida 900 dan ziyod afrikalik va osiyolik muhojirlarni qutqarib qoldi. Bu haqda “RIA Novosti” xabar bermoqda.
Liviya harbiy-dengiz kuchlari vakilining ma’lum qilishicha, Az-Zaviya shahri sohil qo‘riqlash xizmati bortida jami 906 kishi bo‘lgan beshta puflanadigan qayiq va yog‘och kemani to‘xtatib qolgan.
Uning qo‘shimcha qilishicha, qutqarib qolinganlarning 25 nafari bolalar, 98 nafari ayollar bo‘lgan. Puflanadigan qayiqlardan biri teshilgan, yog‘och kemada esa motorsiz bo‘lgan.
2017-yil boshidan beri 77 ming nafar muhojir va qochoq O‘rtayer dengizi orqali Yevropaga kirib keldi, dengizni kechib o‘tish vaqtida 1820 kishi halok bo‘ldi.
Izoh (0)