Hindistonning Jammu va Kashmir shtatida jangarilar hujumi oqibatida olti nafar politsiyachi halok bo‘ldi. Bu haqda “RIA Novosti” xabar bermoqda.
Hodisa 16-iyun, juma kuni Anantnag okrugida yuz bergan. Jangarilar pistirmadan turib, politsiyachilarga hujum qilgan, o‘rtada otishma kelib chiqqan.
India TV telekanali ma’lumotlariga ko‘ra, juma kuni yuz bergan yana bir boshqa to‘qnashuv oqibatida ikki nafar tinch aholi vakili halok bo‘lgan, 10 kishi jabrlangan.
Bundan tashqari, uch nafar jangari ham yo‘q qilingan — ularning jasadi 17-iyun, shanba kuni topilgan.
Politsiyachilarga qarshi uyushtirilgan hujum uchun javobgarlikni “Lashkari Toyiba” terrorchilik guruhi o‘z zimmasiga olgan.
2008-yili Mumbayda yuz bergan terakt uchun javobgar deb ko‘riladigan “Lashkari Toyiba” guruhi Janubiy Osiyodagi eng yirik va eng xavfli terrorchilik tashkilotlaridan biri hisoblanadi.
Izoh (0)