O‘zbekiston Prezidenti Shavkat Mirziyoyev Rossiya Federatsiyasi prezidenti Vladimir Putin nomiga maktub yo‘lladi, deb xabar berdi Tashqi ishlar vazirligi matbuot xizmati.
Prezident Shavkat Mirziyoyevning maktubida “Baykalorti o‘lkasida yo‘lovchi avtobusi ishtirokida yuz bergan yo‘l-transport hodisasi oqibatida ko‘plab insonlarning halok bo‘lgani va jarohat olgani haqidagi xabarni chuqur qayg‘u bilan qabul qildim”, — deyiladi.
Davlat rahbari qurbon bo‘lganlarning oila a’zolari hamda yaqinlariga samimiy ta’ziya va dalda so‘zlarini yetkazib qo‘yishni so‘radi va jarohat olganlarga tez fursatlarda sog‘ayib ketishlarini tiladi.
Eslatib o‘tamiz, 11-iyun, yakshanba kuni kechqurun “Baykal” federal avtomobil yo‘lining 702-kilometrida avtobus ag‘darilib ketishi oqibatida 14 kishi halok bo‘lgan hamda 40 dan ortiq inson jarohat olgandi.
Izoh (0)