O‘zbekiston Respublikasi Prezidenti Shavkat Mirziyoyev Vazirlar Mahkamasi ijro tizimini takomillashtirishga qaratilgan qarorni imzoladi. Bu haqda davlat rahbarining rasmiy saytida xabar berildi.
Mazkur qarorga binoan:
- O‘zbekiston Respublikasi Bosh vazirining o‘rinbosari — Makroiqtisodiy rivojlantirish, tarkibiy o‘zgartirishlar, xorijiy investitsiyalarni jalb etish kompleksi rahbari;
- Bosh vazir o‘rinbosari, “O‘zavtosanoat” aksiyadorlik kompaniyasi boshqaruvi raisi — Eksport salohiyatini va mashinasozlik, avtomobil va elektrotexnika sanoatini rivojlantirish, mahsulotlarni standartlashtirish masalalari kompleksining rahbari;
- Bosh vazir o‘rinbosari — Ekologiya, atrof-muhitni muhofaza qilish, jismoniy tarbiya va sport masalalari kompleksi rahbari lavozimlari bekor qilindi;
- Makroiqtisodiy rivojlantirish, tarkibiy o‘zgartirishlar, xorijiy investitsiyalarni jalb etish masalalari yig‘ma axborot-tahlil departamenti;
- Ta’lim va ilm-fan masalalari axborot-tahlil departamenti;
- Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamenti;
- Iqtisodiyot tarmoqlari va respublika hududlarining eksport salohiyatini rivojlantirish masalalari axborot-tahlil departamenti;
- Huquqiy ekspertiza va xalqaro shartnomalar boshqarmasi tugatildi.
- O‘zbekiston Respublikasi Bosh vazirining o‘rinbosari — Iqtisodiy rivojlantirish, tarkibiy o‘zgartirishlar, investitsiyalar, bank va moliya tizimlarini isloh qilish, erkin iqtisodiy va kichik sanoat zonalari faoliyatini muvofiqlashtirish masalalari kompleksi rahbari;
- O‘zbekiston Respublikasi Bosh vaziri o‘rinbosari, “O‘zavtosanoat” aksiyadorlik kompaniyasi boshqaruvi raisi — Tashqi iqtisodiy faoliyat, eksport salohiyati, mashinasozlik, avtomobil va elektrotexnika sanoatini rivojlantirish, mahsulotlarni standartlashtirish masalalari kompleksi rahbari.
- Ta’lim, ilm-fan va yoshlar siyosati masalalari axborot-tahlil departamenti;
- Madaniyat, axborot tizimlari va telekommunikatsiyalar masalalari axborot-tahlil departamenti;
- Iqtisodiy rivojlantirish, tarkibiy o‘zgartirishlar, investitsiyalar, bank va moliya tizimlarini isloh qilish, erkin iqtisodiy va kichik sanoat zonalari faoliyatini muvofiqlashtirish masalalari yig‘ma axborot-tahlil departamenti;
- Investitsiya dasturlarini shakllantirish va amalga oshirish monitoringi, xorijiy investitsiyalarni jalb qilish masalalarini muvofiqlashtirish axborot-tahlil departamenti;
- Tashqi iqtisodiy faoliyat, iqtisodiyot tarmoqlari va respublika hududlarining eksport salohiyatini rivojlantirish masalalari axborot-tahlil departamenti;
- Huquqiy ekspertiza, xalqaro shartnomalar va tashqi aloqalarni rivojlantirish boshqarmasi tashkil etildi.
Izoh (0)