AQSh Federal qidiruv byurosining sobiq direktori Jeyms Komi Rossiya 2016-yilgi saylovga aralashganidan shubhalanmasligini bildirib o‘tdi. Bu haqda “TASS” xabar bermoqda.
Senatning razvedka bo‘yicha maxsus qo‘mitasida o‘tkazilgan eshituvlar chog‘ida Komi tegishli savolga “Shubhasiz” deb javob berdi.
Ma’lumki, Komi FQB mexanizmlarini ishga solgan holda Trampning g‘alabasiga Rossiya bevosita yoki bilvosita yordam bergani bilan bog‘liq taxminlarni tekshirayotgan edi. Ammo u kutilmaganda prezident tomonidan egallab turgan mansabidan chetlashtirildi.
Izoh (0)