Dubayning ta’siri eng kuchli odamlari reytingi e’lon qilindi
Arabian Business nashri Dubaydagi ta’siri eng kuchli bo‘lgan 100 kishi ro‘yxatini tuzdi, deb yozadi Russian Emirates. Ularning ba’zilari mamlakatdagi eng yirik muassasalar — banklar, kasalxonalar, maktablarni boshqarsa, qolganlari esa Dubay amiri shayx Muhammad bin Rashid Al Maktumning rejalari amalga oshirilishi uchun mas’uldir.
Foto: Russian Emirates
Reytingda qarorlari Dubay hayotiga ta’sir o‘tkazuvchi shaxslar qamrab olindi. Dubay qirollik oilasi a’zolari va hukumat vazirlari ro‘yxatni tuzishda hisobga olinmadi.
Quyida Top 100 lik ro‘yxatning ilk o‘n ikkita pog‘onasidagi shaxslar bilan tanishishingiz mumkin.
Muhammad Alabbar
Burj Khalifa kabi mashhur obyektlar quruvchisi bo‘lgan Emaar Properties kompaniyasi asoschisi, ko‘chmas mulk, chakana savdo, mehmonxona sohasi, shuningdek, elektron tijorat, texnologiyalar, logistika va oziq-ovqat sanoati bilan qiziquvchi xalqaro tadbirkor.
Ser Tim Klark
2003-yildan buyon Emirates prezidenti.
Xuda Kattan
Ijtimoiy tarmoqlar yulduzi; 2016-yil dekabr holatiga ko‘ra, Yaqin Sharqda ommaboplik bo‘yicha birinchi Instagram akkaunti sohibasi.
Doktor Dib Kayyed
Sayyoradagi eng yaxshi nevrologlardan biri.
Ronaldo Muxabar
Souq.com elektron tijorat sayti asoschilaridan biri.
Husayn Sajvaniy
Yaqin Sharqdagi eng yirik imorat soluvchi xususiy kompaniya — Damac Holding asoschisi.
Hilol Al Marriy
Dubai Tourism direktori; Dubay sayyohlik strategiyasi amalga oshirilishi uchun mas’ul.
Doktor Habib Al Mulla
Baker & McKenzie Habib Al Mulla raisi.
Xalaf Al-Habtur
Yaqin Sharqdagi eng yirik oilaviy konglomeratlardan biri — Al Habtoor Group asoschisi va raisi.
Hesham al Qosim
O‘z ichiga wasl Properties, wasl Hospitality va Dubai Golf’ni oluvchi wasl kompaniyasi rahbari.
Izoh (0)