Sud Usmonovning Navalniyga qarshi or-nomus va obro‘ himoyasi to‘g‘risidagi da’vosini ko‘rib chiqishga kirishadi

Moskvaning Lyublinskiy tuman sudi 30-may, seshanba kuni biznesmen Alisher Usmonovning muxolifatchi Aleksey Navalniyga nisbatan or-nomus va obro‘ himoyasi to‘g‘risidagi da’vosini ko‘rib chiqishga kirishadi, deb yozadi “TASS”.

Tomonlar sudga ish bo‘yicha yozma e’tirozlar va qo‘shimcha dalillarni taqdim etishi kutilmoqda.

Sudga murojaat qilishga Aleksey Navalniyning Korrupsiyaga qarshi kurash fondi mart boshida e’lon qilgan material sababchi bo‘ldi, unda bosh vazir Dmitriy Medvedevning kursdoshi Ilya Yeliseyev va unga bog‘liq “Sotsgosproyekt” fondi haqida aytiladi. Ular, go‘yoki Usmonovdan xayriya shartnomasi bo‘yicha Rublyovkadagi 5 milliard rubllik uy va yer maydonini qabul qilib olgan.

Usmonovning huquqshunoslari Navalniyga uch marta yolg‘on gapirganligini ta’na qilmoqda. Usmonov KKF materialida tarqatilgan ma’lumotlarni haqiqatga to‘g‘ri kelmaydi deb topishni va Navalniyga ularni rad etishni yuklashni so‘ramoqda. Shu bilan birga, biznesmen Navalniyga nisbatan moliyaviy talablarni ilgari surmadi.