Дубайнинг таъсири энг кучли одамлари рейтинги эълон қилинди
Arabian Business нашри Дубайдаги таъсири энг кучли бўлган 100 киши рўйхатини тузди, деб ёзади Russian Emirates. Уларнинг баъзилари мамлакатдаги энг йирик муассасалар — банклар, касалхоналар, мактабларни бошқарса, қолганлари эса Дубай амири шайх Муҳаммад бин Рашид Ал Мактумнинг режалари амалга оширилиши учун масъулдир.
Фото: Russian Emirates
Рейтингда қарорлари Дубай ҳаётига таъсир ўтказувчи шахслар қамраб олинди. Дубай қироллик оиласи аъзолари ва ҳукумат вазирлари рўйхатни тузишда ҳисобга олинмади.
Қуйида Топ 100 лик рўйхатнинг илк ўн иккита поғонасидаги шахслар билан танишишингиз мумкин.
Муҳаммад Алаббар
Burj Khalifa каби машҳур объектлар қурувчиси бўлган Emaar Properties компанияси асосчиси, кўчмас мулк, чакана савдо, меҳмонхона соҳаси, шунингдек, электрон тижорат, технологиялар, логистика ва озиқ-овқат саноати билан қизиқувчи халқаро тадбиркор.
Сэр Тим Кларк
2003 йилдан буён Emirates президенти.
Худа Каттан
Ижтимоий тармоқлар юлдузи; 2016 йил декабрь ҳолатига кўра, Яқин Шарқда оммабоплик бўйича биринчи Instagram аккаунти соҳибаси.
Доктор Диб Кайед
Сайёрадаги энг яхши неврологлардан бири.
Роналдо Мухабар
Souq.com электрон тижорат сайти асосчиларидан бири.
Ҳусайн Сажваний
Яқин Шарқдаги энг йирик иморат солувчи хусусий компания — Damac Holding асосчиси.
Ҳилол Ал Маррий
Dubai Tourism директори; Дубай сайёҳлик стратегияси амалга оширилиши учун масъул.
Доктор Ҳабиб Ал Мулла
Baker & McKenzie Habib Al Mulla раиси.
Халаф Ал-Ҳабтур
Яқин Шарқдаги энг йирик оилавий конгломератлардан бири — Al Habtoor Group асосчиси ва раиси.
Ҳешам ал Қосим
Ўз ичига wasl Properties, wasl Hospitality ва Dubai Golf’ни олувчи wasl компанияси раҳбари.
Изоҳ (0)