Samarqand shahridagi Sattepo mavzesida tramvay simyog‘ochni qulatib yubordi. Bu haqda Facebook’dagi “Samarqand va samarqandliklar” guruhi a’zolari xabar berdi.
Foydalanuvchilar izoh sifatida joylagan videoda tramvay yurib ketayotib, rels yonida turgan simyog‘ochga tegib ketgani, ustun esa narigi yoniga — avtomobillar qatnaydigan yo‘lga ag‘anaganini ko‘rish mumkin.
Guruh a’zolari ma’lum qilishicha, simyog‘och Nexia avtomashinasi ustiga qulab, unga jiddiy shikast yetkazgan. Tramvayning o‘zi relsdan chiqib ketgan.
Ba’zi foydalanuvchilar shahardagi tramvay haydovchilari yo‘l harakati qoidalariga va tezlik cheklovlariga rioya qilmasligi, rulni boshqarayotib, telefon orqali suhbatlashishidan shikoyat qilgan. Voqea guvohlari hodisa vaqtida ham tramvay juda katta tezlikda harakatlanib, muyulishda “drift” (manyovr)ni amalga oshirganini ta’kidlagan.
Voqea natijasida odamlarga zarar yetgan-yetmagani haqida ma’lumotlar yo‘q.
Izoh (0)