Yunusobod tumanining 4-dahasida yong‘in yuz berdi. Facebook’dagi “Potrebiteli.uz” guruhi a’zolari yozishicha, “Shohsaroy” restoranining orqa tomonida, pasport stoli yonida joylashgan non tayyorlash sexi va unga yondosh tikuv sexi yonib ketgan.
Hodisa yuz bergan joy yaqinida yashovchilar o‘zlariga ko‘ringan yong‘in manzaralari suratlari bilan bo‘lishgan. Yong‘in nima sababdan sodir bo‘lgani, qurbonlar va jabrlanganlar bor-yo‘qligi haqida ma’lumotlar yo‘q. Rasmiy xabar ham berilganicha yo‘q.
Foydalanuvchilar qayd etishicha, yong‘in ayni paytga qadar o‘chirilgan.
Izoh (0)