Basseynlarda cho‘milishning yozgi mavsumi boshlandi deb hisoblasa ham bo‘ladi. Lekin yozning jazirama kunlarida salqin suvga sho‘ng‘ish qanchalik yoqimli bo‘lmasin, shuni unutmangki, xlorli suvda uzoq vaqt bo‘lish sizning go‘zalligingiz va salomatligingizga zarar yetkazishi mumkin.
Dermatologlar ogohlantirishlariga ko‘ra, sun’iy hovuzlardagi kuchli xlorlangan suv terining haddan tashqari quruqligiga va qichishishiga olib kelishi mumkin. Lekin xlor — bu eng yaxshi zararsizlantiruvchi vosita bo‘lgani uchun, uningsiz boshqa hech ilojimiz yo‘q. Chunki sizga boshqa cho‘miluvchilardan o‘tishi mumkin bo‘lgan bakterial infeksiyalar xlorning zararidan ham ko‘ra xavflidir.
Boshqa o‘rnini bosuvchilar yo‘qmi?
Xlorsiz basseynlar bo‘lmasa ham, u kam bo‘lgan joylar variantlari ham. Sizning sho‘r suvli sun’iy hovuzlarga borishga imkoniyatingiz bormi? Bu terisi ta’sirchan yoki ekzemasi bo‘lgan kishilar uchun juda mos. Lekin, dengiz suvi solingan hovuzlarda ham xlor bo‘ladi chunki, tuzning o‘zidan biroz xlorning ajralib chiqishi — tabiiy kimyoviy jarayon.Eng yomoni hovuzlarning yopiq joyda bo‘lishi. U ichkarida bo‘lgani uchun, hovuzda turganimizda biz nafas olayotgan havoga tushadi. Bu nafas olish yo‘llari muammolariga, shu jumladan astmaga ham olib kelishi mumkin.
Bundan keyin agar siz hovuzda cho‘milishni istasangiz, ochiq havodagisini tanlashga harakat qiling. Sochlaringiz, teri va tirnoqlaringizni himoya qilish uchun esa quyidagi maslahatlarga amal qiling:
Tanani qanday himoya qilish kerak?
Terini xlorlangan suvdan himoya qilishda suvga chidamli bo‘lgan quyoshga qarshi krem yordam beradi, u xlor uchun to‘siq yaratadi. Uni har 80 daqiqada suring va keyin albatta yuvib tashlang.Yuzni qanday himoya qilish kerak?
Agar cho‘milishdan keyin yuzingiz terisi quruqshab va tortishib qolsa, C vitamini surib ko‘ring. U teridan xlorinni va yoqimsiz tirishishni ketkazadi.Sochlarni qanday himoya qilish kerak?
Sochlar yumshoq va yaltiroq holatda qolishi uchun, hovuzga sho‘ng‘ishdan oldin ularga taroq yordamida biroz kokos yog‘i suring. U xlorning sochlarga tushishiga va ildizlariga singib ketishiga to‘sqinlik qiladi.Tirnoqlarni qanday himoya qilish kerak?
Agar tirnoqlaringiz quruq va mo‘rt bo‘lsa, yaxshisi hovuzga manikyur bilan tushing. Mo‘rt tirnoqlarni mustahkamlashga mo‘ljallangan maxsus bo‘yoqni tanlang.Manba: “Zdorovie.com”
Izoh (0)