Dunyodagi eng chuqur suvosti batiskafi hisoblanadigan Xitoyning “Szyaolun” qurilmasi Yer yuzidagi eng chuqur nuqta — Chellenjer tubiga tushishga tayyorgarlikni boshladi. Bu haqda National Geographic xabar bermoqda.
Chellenjer tubi Guam orolidan 340 kilometr janubi—g‘arbda, dengiz sathidan 10 994 metr chuqurlikda joylashgan.
22-may kuni “Syan’yanxun-09” tadqiqot kemasi bortidan batiskaf 4800 metr chuqurlikka tushdi. Missiya 9 soatga yaqin vaqt oldi.
Mazkur ekspeditsiya doirasida batiskaf 10 ta chuqurlikka tushishni amalga oshirishi va yakunda Chellenjer tubiga yetishi ko‘zda tutilgan.
Olimlar dengiz tubini tasvirga oladi, dengiz suvi, cho‘kma moddalar va tirik organizmlar namunalarini yig‘ishtiradi. Ularning tahlili ushbu mintaqada yuz berayotgan geologik jarayonlarni anglab yetish imkonini beradi.
https://youtu.be/GZUx69CwAdI
Izoh (0)