AQSh Kongressi vakillar palatasi Suriya rasmiylarini qo‘llab-quvvatlaganlik uchun sanksiyalar joriy etilishini nazarda tutuvchi qonun loyihasini qabul qildi. Bu haqda “RIA Novosti” xabar bermoqda.
Cheklov choralari qo‘llanishiga Suriyada prezident Bashar Asad boshchiligidagi rasmiylar tomonidan inson huquqi buzilishi bilan bog‘liq ko‘plab holatlar asos sifatida ko‘rsatilgan. Loyiha matnida bunga bevosita javobgar 47 nafar shaxs sanab o‘tilgan.
Hujjat qonun loyihasi imzolanganidan so‘ng 30 kun mobaynida AQSh prezidenti Suriya hukumatiga ommaviy qirg‘in qurollari, raketa texnologiyalari va boshqa harbiy yordam olishda ko‘mak ko‘rsatayotgan shaxs va tashkilotlarga qarshi sanksiyalar joriy etishini ko‘zda tutadi.
Izoh (0)