АҚШ Конгресси вакиллар палатаси Сурия расмийларини қўллаб-қувватлаганлик учун санкциялар жорий этилишини назарда тутувчи қонун лойиҳасини қабул қилди. Бу ҳақда «РИА Новости» хабар бермоқда.
Чеклов чоралари қўлланишига Сурияда президент Башар Асад бошчилигидаги расмийлар томонидан инсон ҳуқуқи бузилиши билан боғлиқ кўплаб ҳолатлар асос сифатида кўрсатилган. Лойиҳа матнида бунга бевосита жавобгар 47 нафар шахс санаб ўтилган.
Ҳужжат қонун лойиҳаси имзоланганидан сўнг 30 кун мобайнида АҚШ президенти Сурия ҳукуматига оммавий қирғин қуроллари, ракета технологиялари ва бошқа ҳарбий ёрдам олишда кўмак кўрсатаётган шахс ва ташкилотларга қарши санкциялар жорий этишини кўзда тутади.
Изоҳ (0)