Xitoyda kuchuk tiriklayin yerga ko‘milgan chaqaloqni qutqarib qoldi

Xitoyda kuchuk tiriklayin yerga ko‘milgan chaqaloqni qutqarib qoldi, deb xabar berdi Daily Mail.

Voqea Chunsin shahrida sodir bo‘ldi. Itning egasini aytishicha, kuchuk butalar ichidan chuqur qazigan. Ayol chuqurga mo‘ralagan va oq matoga o‘ralgan, yig‘layotgan chaqaloqni ko‘rgan. Hayvon chaqaloqni hidi orqali topgan.

Chaqaloq shifoxonaga yetkazilgan. Shifokorlarning so‘zlariga ko‘ra, uning tana harorati past, yurak urishi sekin va o‘g‘zi to‘la tuproq bo‘lgan. Ayni vaqtda uning hayotiga hech nima xavf solmayapti.

Tibbiyot xodimlari chaqaloq bir oy oldin tug‘ilgan deya hisoblamoqda. Politsiyaning taxminicha, chaqaloqning ota-onasi uni o‘ldi deb o‘ylab ko‘mib yuborgan bo‘lishi mumkin. Hozircha chaqaloqning yaqinlari topilmadi.