Suriya hukumati mamlakat hududidagi qamoqxonalardan birida krematoriy yaratgan bo‘lib, u yerda mahbuslarning tanalari yoqib yuboriladi. Ushbu ma’lumotni maxsus brifing chog‘ida AQSh davlat kotibining Yaqin Sharq ishlari bo‘yicha yordamchisi Styuart Jons berdi, deb xabar qiladi “TASS”.
Diplomat nohukumat tashkilotlarning ma’lumotlariga asoslangan holda 2011–2015-yillar orasida 65–117 ming kishi nohaq qamoqda saqlanayotganini e’tirof etdi.
“‘Saydnaya’ mahbuslar saqlanadigan ko‘plab muassasalardan biridir”, — ma’lum qildi Jons.
“‘Saydnaya’da kuniga 50 nafardan mahbus o‘ldirilayotgani uchun rejim javobgardir. Ishonchli manbalarga ko‘ra, ko‘plarning tanalari birodarlik qabrlarida dafn etilgan. Bizdagi ma’lumotga qaraganda, Suriya rejimi ‘Saydnaya’ qamoqxona kompleksida krematoriy yaratgan”, — qo‘shimcha qildi u.
Jonsning ta’kidlashicha, shu yo‘l bilan Suriya hukumati qamoqxonalarda amalga oshirilayotgan qiynoqlar va qatllarning izlarini yo‘q qilishga urinmoqda.
Izoh (0)