Noma’lum qurolli kimsalar Nigeriyaning markaziy qismidagi masjidga o‘t ochishi oqibatida 20 fermer halok bo‘ldi. Bu haqda politsiyaga tayanib, AFP xabar berdi, deb yozadi “RIA Novosti”.
Hodisa 13-may, shanba kuni mamlakatning markaziy qismidagi Etogi qishlog‘ida sodir bo‘ldi. Politsiya ma’lumotlariga ko‘ra, hujum ortida fulani xalqi vakillari turgan bo‘lishi mumkin.
“Qurolli kimsalar tonggi ibodat vaqtida dindorlarga o‘t ochishdi”, — dedi Niger shtati politsiyasi vakili.
Chorvachilik bilan shug‘ullanuvchi ko‘chmanchi fulanilar va qishloqlarda yashovchi mahalliy aholi o‘rtasida mojarolar tez-tez sodir bo‘lib turadi. Bunday mojarolar tufayli so‘nggi bir necha yilda minglab odamlar halok bo‘ldi.
Izoh (0)