Kot-d’Ivuarning ikki yirik shahri — Abijan va Buake kuchli otishma ovozlari eshitilmoqda. Bu haqda hodisa guvohlariga tayanib, Reuters ma’lum qildi.
“Kalashnikov avtomati va undan ham og‘ir qurollardan o‘t ochilayotganini eshitdim. O‘ta shiddatli otishma tonggi soat 5 larda boshlandi va bir soat atrofida davom etdi”, — deya ma’lum qildi prezident saroyi va AQSh elchixonasi yaqinida yashovchi Abijan shahri fuqarosi.
Oldinroq mamlakat rasmiylari 8 mingdan ortiq harbiy xizmatchi ommaviy namoyishlarga sabab bo‘lgan moliyaviy talablardan voz kechganini bildirgandi.
Kot-d’Ivuarda yanvar oyidan beri sobiq harbiy xizmatchilar va boshqa kuch tizimlari xodimlari keltirib chiqarayotgan tartibsizliklar tez-tez sodir bo‘lmoqda.
Izoh (0)