Hindistonlik uy bekasi Shanti Achutan Katti Dubai Duty Free do‘koni tomonidan tashkil etilgan lotereya o‘yinida bir million dollar yutib oldi. Bu haqda UAE Inside xabar berdi.
Millennium Millionaire aksiyasining g‘olibi 9-may, seshanba kuni Dubay xalqaro aeroportida aniqlangan.
Bir million dollar o‘yinidan so‘ng Ducati motosiklining o‘yini bo‘lib o‘tgan va uni FedEx kompaniyasida ishlovchi hindistonlik 50 yoshli Tomas Klement yutib oldi. Bundan tashqari lotereyada BMW 750Li xDrive M Sport avtomobili ham o‘ynalgan. Sharja shahrida yashovchi yana bir hindistonlik fuqaro Manuchandran Gopalakrishna Pillay avtomobilning egasiga aylangan.
Izoh (0)