Koalitsiya kuchlarining Iroqdagi operatsiyalarida ishtirok etgan Kanadaning CF-18 qiruvchi-bombardimonchilari har doim ham IShID obyektlarini bombardimon qilmagan. Bu haqda “TASS” xabar bermoqda.
CBC telekanaliga ko‘ra, Kanada aviatsiyasi kamida 17 marotaba nishonni to‘g‘ri ololmagan. Bu holatlarning barchasi 2014-yil oxiri—2016-yil boshlarida Iroq armiyasi va kurd ko‘ngillilari mamlakat shimolida jangarilarga qarshi olib borgan janglar davomida yuz bergan.
Telekanal Kanada qiruvchi-bombardimonchilarining bunday adashishlari oqibatida Iroq tinch aholisidan necha nafari halok bo‘lgani haqida aniq ma’lumotlar yo‘qligini bildirdi.
Mahalliy OAV birgina 2015-yil noyabrida Kanada aviatsiyasi zarbalari Kirkuk va Mosulda nishonga tegmaganligi oqibatida 5 nafardan 13 nafargacha fuqaro qurbon bo‘lganini ma’lum qilgandi.
Izoh (0)