Dunyoning 20 davlati, jumladan, AQShdan kelgan 7 mingdan ortiq harbiy Iordaniyada 7-may, yakshanba kuni boshlangan hamkorlikdagi mashg‘ulotlarda ishtirok etmoqda. Bu haqda “TASS” xabar berdi.
“Biz ‘Sher hamlaga shaylanmoqda’ deb nomlangan mashqlar boshlanganini e’lon qilamiz. Ular 18-maygacha davom etadi. Mintaqa va butun dunyo duch kelayotgan terrorchilik xavfi bizdan harakatlarimizni birlashtirish, muvofiqlashtirish va tajriba almashishni talab qilmoqda”, — deya ta’kidladi Iordaniya armiyasi rasmiy vakili Xolid ash-Sho‘ro.
Mashqlar ssenariysiga hujum, mudofaa, aksilterror va qidiruv-qutqaruv operatsiyalari, shahar sharoitidagi janglar, kimyoviy qurol qo‘llangandagi harakatlar va chegaralar xavfsizligini ta’minlash kiritilgan.
Izoh (0)