O‘zbekiston qishloq va suv xo‘jaligi, iqtisodiyot va moliya vazirliklari qarori bilan davlat buyurtmasi asosida meva-sabzavot, kartoshka, uzum va poliz mahsulotlari yetishtiruvchilar xarajatlarini avanslash tartibi to‘g‘risidagi Nizom tasdiqlandi. Bu haqda Norma xabar bermoqda.
Mazkur Nizomga ko‘ra, qishloq xo‘jalik mahsulotlarini ishlab chiqaruvchi buyurtmachi bilan kontraktatsiya shartnomasi kuchga kirganidan so‘ng uzog‘i bilan 3 bank ish kunida unga xizmat ko‘rsatuvchi bankda avans mablag‘larini olish uchun maxsus hisob raqam ochishi zarur.
Avans mablag‘larining miqdori kontraktatsiya shartnomasi qiymatining kamida 40 foizini tashkil etishi ko‘zda tutilgan.
Hujjatda agrotexnika tadbirlari o‘tkazilish vaqtidan kelib chiqqan holda avans pullarini berilish muddatlari, shuningdek, ular sarflanadigan xarajatlar turlari ko‘rsatib o‘tilgan.
Izoh (0)