Ўзбекистон қишлоқ ва сув хўжалиги, иқтисодиёт ва молия вазирликлари қарори билан давлат буюртмаси асосида мева-сабзавот, картошка, узум ва полиз маҳсулотлари етиштирувчилар харажатларини аванслаш тартиби тўғрисидаги Низом тасдиқланди. Бу ҳақда Norma хабар бермоқда.
Мазкур Низомга кўра, қишлоқ хўжалик маҳсулотларини ишлаб чиқарувчи буюртмачи билан контрактация шартномаси кучга кирганидан сўнг узоғи билан 3 банк иш кунида унга хизмат кўрсатувчи банкда аванс маблағларини олиш учун махсус ҳисоб рақам очиши зарур.
Аванс маблағларининг миқдори контрактация шартномаси қийматининг камида 40 фоизини ташкил этиши кўзда тутилган.
Ҳужжатда агротехника тадбирлари ўтказилиш вақтидан келиб чиққан ҳолда аванс пулларини берилиш муддатлари, шунингдек, улар сарфланадиган харажатлар турлари кўрсатиб ўтилган.
Изоҳ (0)