Facebook’dagi “Voditeli Tashkenta” guruhi foydalanuvchilaridan biri Toshkent shahri ko‘chalarida yangi Chevrolet Malibu sedanini ko‘rganini ma’lum qilib, mashinaning surati bilan bo‘lishdi. Bu haqda “1news.uz” xabar bermoqda.
“Yangi Malibu endi Toshkent ko‘chalarida”, – deb yozdi surat muallifi.
Xabarda qayd etilishicha, 26-aprel kuni GM Uzbekistan matbuot xizmati mahalliy bozor uchun mo‘ljallangan yangi Chevrolet Malibu avtomobillari ishlab chiqarilishi haqida ma’lum qilgandi.
Mavzuga doir: GM Uzbekistan Malibu’ning yangilangan modelini yig‘ishni boshladi. Xarakteristika va foto
Yangilangan Chevrolet Malibu’da iqlim nazorati, 7 dyuymga teng sensorli ekranga ega media-tizim, boshqaruvchi g‘ildiraklar va old o‘rindiqlarning isitilishi hamda 8 ta xavfsizlik yostiqchasi kabi funksiyalar bo‘ladi.
Ma’lumot uchun, Chevrolet Malibu’ning yangi avlodi 2015-yili Nyu-Yorkda bo‘lib o‘tgan motor-shouda namoyish qilingandi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)