Facebook’даги «Водители Ташкента» гуруҳи фойдаланувчиларидан бири Тошкент шаҳри кўчаларида янги Chevrolet Malibu седанини кўрганини маълум қилиб, машинанинг сурати билан бўлишди. Бу ҳақда «1news.uz» хабар бермоқда.
«Янги Malibu энди Тошкент кўчаларида», – деб ёзди сурат муаллифи.
Хабарда қайд этилишича, 26 апрель куни GM Uzbekistan матбуот хизмати маҳаллий бозор учун мўлжалланган янги Chevrolet Malibu автомобиллари ишлаб чиқарилиши ҳақида маълум қилганди.
Янги Malibu ҳажми 185 от кучига эга 2,5 литрга тенг бензинли мотор билан жиҳозланган. Автоулов 6 босқичли автомат равишда тезликка солиш қутисига эга.
Янгиланган Chevrolet Malibu’да иқлим назорати, 7 дюймга тенг сенсорли экранга эга медиа-тизим, бошқарувчи ғилдираклар ва олд ўриндиқларнинг иситилиши ҳамда 8 та хавфсизлик ёстиқчаси каби функциялар бўлади.
Маълумот учун, Chevrolet Malibu’нинг янги авлоди 2015 йили Нью-Йоркда бўлиб ўтган мотор-шоуда намойиш қилинганди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)