Toshkent yo‘llaridagi kameralar raqamsiz va xorijiy davlat raqamidagi mashinalarga jarima yozolmaydi

Toshkent shahar IIBBda 27-aprel, payshanba kuni bo‘lib o‘tgan brifingda poytaxt chorrahalaridagi kuzatuv kameralarining chet el davlat raqamidagi xorijiy va davlat raqamiga ega bo‘lmagan mahalliy transport vositalari tomonidan sodir etiladigan qoidabuzarliklarni qayd etish holati muhokama qilindi.

Brifingda ishtirok etgan jurnalistlar tomonidan shu masalaga oid savol berildi: “Toshkent shahriga kirib kelgan qo‘shni davlatlar yoki chet el raqamiga ega bo‘lgan transport vositalari kuzatuv kameralari o‘rnatilgan chorrahalarda qoidabuzarlik sodir etsa va bu qoidabuzarlik kuzatuv kameralari tomonidan qayd etilsa, qoidabuzarlikni sodir etgan transport vositasi va uning egasiga nisbatan qanday chora ko‘riladi?”.

Xorijiy mamlakatlarning transport vositalari O‘zbekiston hududiga bojxona postlari orqali kirayotganda, ularga respublika hududida 90 kun davomida harakatlanishga ruxsat beriladi. Bu vaqt ichida xorijiy mamlakat transport vositasining Toshkent shahri chorrahalaridagi kameralar tomonidan qoidabuzarlik sodir etgani aniqlansa, transport vositasi va uning egasi haqidagi ma’lumotlar Toshkent shahar YHXB Kompyuter markazining ma’lumotlar bazasida yo‘qligi sababli, ularga qoidabuzarlikni sodir etganligi haqida jarima qarori yuborishning imkoni mavjud emas. Davlat raqami bo‘lmagan transport vositasini ham kameralar aniqlay olmaydi.

Alisher Abduqodirov, Toshkent shahar IIBB YHXB Jamoat va OAV bilan ishlash bo‘limi imspektori, mayor

Avvalroq, chorrahalarga o‘rnatilgan kuzatuv kameralariga qoidabuzarlik bilan tushib qolishdan qochish maqsadida davlat raqam belgilariga turlicha ishlov bergan haydovchilar aniqlangani xabar berilgan edi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!