Sothebyʼs auksion uyi dunyoda yagona ko‘k rangdagi (Arrow Blue) Porsche 918 Spyder super avtomobilini sotuvga qo‘ydi. Bu haqda “Motor” xabar bermoqda.
Mashina 11 ming kilometr yo‘l bosgani bildirilmoqda. 887 ot kuchiga ega gibrid 4,6 litr hajmdagi dvigatel va ikkita elektr motor bilan jihozlangan.
Weissach Package sport-paketli versiyasida gibrid soatiga 100 kilometrlik tezlikka 2,6 soniyada erishishi mumkin. Soatiga 200 va 300 kilometrlik tezlik uchun esa tegishlicha 7,2 va 19,8 soniya sarflanadi.
Mazkur modelning jami 918 ta nusxasi tayyorlangan, 2015-yilda esa ishlab chiqarish to‘xtatilgan. Yevropada uning narxi 768 ming yevrodan boshlanar edi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)