“Toburo” Demokratlar partiyasining sobiq yetakchisi Mun Chje In Janubiy Koreya prezidentligiga nomzodlar orasida peshqadamlikni boy bermay kelmoqda. Gallup Korea agentligi tomonidan o‘tkazilgan oxirgi so‘rov natijalari shundan dalolat bermoqda, deya xabar beradi “TASS”.
7-aprel, juma kuni e’lon qilingan natijalarga ko‘ra, agar saylovlar shu haftada o‘tkazilganda, Mun Chje In uchun respondentlarning 38 foizi ovoz bergan bo‘lardi (o‘tgan haftaga nisbatan 7 foiz ko‘p).
Biroq endi uning ustunligi mutloq ko‘rinishda emas: Xalq partiyasi vakili bo‘lgan biznesmen An Chxol Su 35 foiz ovoz to‘pladi. U bir hafta davomida qo‘llab-quvvatlanish darajasini keskin — 16 foizga oshirishga muvaffaq bo‘ldi.
Reytingdagi uchinchi o‘rinni 7 foiz ovoz bilan Kyonsan-Namdo provinsiyasi gubernatori Kyonsan-Namdo Xon Chjun Pxyo egalladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)