«Тобуро» Демократлар партиясининг собиқ етакчиси Мун Чжэ Ин Жанубий Корея президентлигига номзодлар орасида пешқадамликни бой бермай келмоқда. Gallup Korea агентлиги томонидан ўтказилган охирги сўров натижалари шундан далолат бермоқда, дея хабар беради «ТАСС».
7 апрель, жума куни эълон қилинган натижаларга кўра, агар сайловлар шу ҳафтада ўтказилганда, Мун Чжэ Ин учун респондентларнинг 38 фоизи овоз берган бўларди (ўтган ҳафтага нисбатан 7 фоиз кўп).
Бироқ энди унинг устунлиги мутлоқ кўринишда эмас: Халқ партияси вакили бўлган бизнесмен Ан Чхоль Су 35 фоиз овоз тўплади. У бир ҳафта давомида қўллаб-қувватланиш даражасини кескин — 16 фоизга оширишга муваффақ бўлди.
Рейтингдаги учинчи ўринни 7 фоиз овоз билан Кёнсан-Намдо провинцияси губернатори Кёнсан-Намдо Хон Чжун Пхё эгаллади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)