Tuluzadagi kosmik tibbiyot va fiziologiya instituti olimlari ikki oy davomida karavotda yotishga rozi bo‘ladigan ko‘ngillilarni izlamoqda. Bu haqda Meduza xabar berdi.
Nomzodlar 20 yoshdan 45 yoshgacha bo‘lgan sog‘lom, 22 dan 27 birlikkacha bo‘lgan tana og‘irligi indeksiga ega erkaklar bo‘lishi mumkin (Tana og‘irligi indeksi tana vaznini bo‘y uzunligining metrdagi o‘lchovining kvadratiga bo‘lish orqali topiladi, ya’ni bo‘y uzunligi 170 sm (1,7 metr) vazn 70 kg. TMI = 70 : (1,7 × 1,7) = 24.2). Tajribada ishtirok etadiganlar yotgan holda 60 kunni o‘tkazishi kerak. Bunda karavot qiya holda joylashtiriladi va oyoqlar tanadan yuqorida joylashgan bo‘ladi. Ovqatlanish va yuvinish ham shu holatda amalga oshiriladi. Sinov yakunida ko‘ngillilar 16 ming yevro mukofot oladi. Mukofot to‘rt yil davomida bo‘lib to‘lanadi.
Olimlarning so‘zlariga ko‘ra, tajribaning maqsadi Xalqaro kosmik stansiyada bo‘ladigan kosmonavtlarning muskullarini qayta tiklash. Olimlar vaznsizlik holatida muskullardagi yo‘qotishlarni kamaytiruvchi preparat yaratishni rejalshtirmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)