AQShning Michigan shtatidagi Nayls shahri mehmonxonalardan birida 6 nafar bola is gazidan zaharlandi. Ulardan biri keyinchalik vafot etdi. Bu haqda “TASS” xabar bermoqda.
ABC telekanaliga ko‘ra, is gazidan zaharlanish alomati bilan jami 12 kishi kasalxonaga yotqizildi.
Mehmonxona xodimlari 10 dan 14 yoshgacha bo‘lgan bolalarni yopiq basseyn hududida hushsiz holda topdi va zudlik bilan favqulodda xizmatlarni chaqirdi. Mehmonxonada istiqomat qilayotganlarning barchasi evakuatsiya qilindi.
Dastlabki ma’lumotlarga ko‘ra, is gazi basseynda nosoz suv isitgich tufayli tarqalgan bo‘lishi mumkin. Politsiya mazkur hodisa yuzasidan tekshiruv boshladi. “Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)