Namangan viloyatida o‘tkazilgan navbatdagi “Profilaktika kuni” davomida 5 ta sayyor sud o‘tkazilib, 72 nafar huquqbuzarga nisbatan chora ko‘rildi. Bu haqda “Daryo”ga viloyat IIB matbuot xizmati ma’lum qildi.
Viloyat bo‘yicha 17 mingdan ortiq xonadondagi vaziyat, aholini qiynayotgan muammolar o‘rganildi. Pasport-viza qoidalariga rioya etish, yong‘in xavfsizligini ta’minlash, uyni ijaraga berish tartiblari tushuntirildi.
Uzoq muddat xorijga chiqib ketgan va yashash manzillariga qaytib kelgan fuqarolar, ularning oila a’zolari bilan tegishli profilaktik ishlar olib borildi.
Profilaktika inspektorlari tomonidan viloyatdagi 500 ta mahalla fuqarolar yig‘inlarida xisobot yig‘ilishlari o‘tkazilib, o‘tgan hafta davomida sodir etilgan 55 ta jinoyat hamda ularning kelib chiqish sabablari, 2007 nafar jinoyat sodir etishga moyil shaxsning hatti-xarakatlari keng jamoatchilik ishtirokida muhokama qilindi.
Profilaktika kuni viloyatdagi 118 kasb-hunar kolleji va akademik litseyda o‘quvchilar davomati o‘rganildi. O‘rganishlar davomida o‘quv mashg‘ulotlariga sababsiz qatnashmayotgan yoki muntazam dars qoldirayotgan o‘quvchilar aniqlanib, 11 nafar ota-onaga nisbatan Ma’muriy javobgarlik to‘g‘risidagi kodeksiga binoan tegishli choralar ko‘rildi.
Mahalla fuqarolar yig‘inlari xuzuridagi yarashtirish komissiyalari tomonidan 117 ta notinch oilalardagi tashvishli holatlarga barham berildi, 112 ta oila yarashtirildi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)