31-mart kuni Andijon viloyati Shahrixon tuman xalq deputatlari Kengashining sessiyasi o‘tkazildi. Viloyat hokimligi axborot xizmati xabariga ko‘ra, sessiyada tashkiliy masala ko‘rib chiqilgan.
Xabar berishlaricha, tuman hokimi Odiljon Soliyev ishdan olinib, uning o‘rniga shu vaqtgacha Paxtaobod tumanini boshqarib kelgan Hikmatullo Dadaxonov tayinlangan.
Hikmatullo Dadaxonov 1976-yilda tug‘ilgan, 1998-yilda Andijon qishloq xo‘jalik institutini tamomlagan.
1998-yilda Andijon viloyati Izboskan tumanida chorvachilik bo‘limi ishchisi sifatida faoliyatini boshlagan Dadaxonov 2009—2015-yillarda Jalaquduq tumani hokimi o‘rinbosari, 2015-yildan boshlab esa Paxtaobod tumani hokimi sifatida faoliyat ko‘rsatgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)