Наманган вилоятида ўтказилган навбатдаги «Профилактика куни» давомида 5 та сайёр суд ўтказилиб, 72 нафар ҳуқуқбузарга нисбатан чора кўрилди. Бу ҳақда «Дарё»га вилоят ИИБ матбуот хизмати маълум қилди.
Вилоят бўйича 17 мингдан ортиқ хонадондаги вазият, аҳолини қийнаётган муаммолар ўрганилди. Паспорт-виза қоидаларига риоя этиш, ёнғин хавфсизлигини таъминлаш, уйни ижарага бериш тартиблари тушунтирилди.
Узоқ муддат хорижга чиқиб кетган ва яшаш манзилларига қайтиб келган фуқаролар, уларнинг оила аъзолари билан тегишли профилактик ишлар олиб борилди.
Профилактика инспекторлари томонидан вилоятдаги 500 та маҳалла фуқаролар йиғинларида хисобот йиғилишлари ўтказилиб, ўтган ҳафта давомида содир этилган 55 та жиноят ҳамда уларнинг келиб чиқиш сабаблари, 2007 нафар жиноят содир этишга мойил шахснинг ҳатти-харакатлари кенг жамоатчилик иштирокида муҳокама қилинди.
Профилактика куни вилоятдаги 118 касб-ҳунар коллежи ва академик лицейда ўқувчилар давомати ўрганилди. Ўрганишлар давомида ўқув машғулотларига сабабсиз қатнашмаётган ёки мунтазам дарс қолдираётган ўқувчилар аниқланиб, 11 нафар ота-онага нисбатан Маъмурий жавобгарлик тўғрисидаги кодексига биноан тегишли чоралар кўрилди.
Маҳалла фуқаролар йиғинлари хузуридаги яраштириш комиссиялари томонидан 117 та нотинч оилалардаги ташвишли ҳолатларга барҳам берилди, 112 та оила яраштирилди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)