O‘zini mustaqil deb e’lon qilgan “Donesk xalq respublikasi” Mudofaa vazirligi 1-aprel, shanba kuni kirib kelishi bilan o‘t ochishni to‘xtatish tartibiga rioya etilayotganini ma’lum qildi. Bu haqda, vazirlik vakiliga asoslanib, “RIA Novosti” xabar bermoqda.
“Biz 00:00 dan boshlab o‘t ochish to‘xtatilganini qayd etmoqdamiz. Biz sulhga rioya etyapmiz. Biroq bungacha Ukraina tomoni ‘DXR’ janubidagi aholi punktlaridan biridagi turar joy mavzesini o‘qqa tutayotgan edi. Maktab binosiga zarar yetgan”, — dedi manba.
Avvalroq 1-apreldan boshlab Donbassda sulh o‘rnatilishi hamda o‘tish joylarining tonggi va kechki ish vaqtlarini xotira kunlari va pasxa bayramlariga qadar uzaytirish rejalashtirilgani haqida xabar berilgan edi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)