Qrim Ukrainaga qaytarilmaguniga qadar, AQSh Rossiyaga nisbatan sanksiyalarni bekor qilmaydi. Bu haqda AQSh davlat kotibi Reks Tillerson ma’lum qildi, deya xabar bermoqda CNN.
“Ukrainaga AQSh va NATO tomonidan ko‘rsatilayotgan ko‘mak barqaror bo‘lib qolaveradi. Vazirlik darajasidagi har bir uchrashuv va sammitlarda ta’kidlaganimizdek, Rossiya Ukrainaga qarshi tajovuz kampaniyasini boshlaganidan beri, NATO bo‘yicha ittifoqchilar Ukraina suvereniteti va hududiy yaxlitligini qat’iy qo‘llab-quvvatlab kelmoqda”, — dedi Tillerson Bryusselda bo‘lib o‘tgan NATOga a’zo davlatlar tashqi ishlar vazirlari uchrashuvida.
Uning so‘zlariga ko‘ra, AQSh Rossiyadan Minsk kelishuvlarini bajarishni talab qilishda davom etadi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)