AQSh 1-apreldan e’tiboran BMT Xavfsizlik kengashida raislik qiluvchi mamlakatga aylandi. Bu haqda “Gazeta.ru” xabar bermoqda.
Qayd etishlaricha, xalqaro tashkilotning eng asosiy tuzilmasiga ilk bor Nikki Heyli rahbarlik qiladi, u ayni vaqtda AQShning BMTdagi doimiy vakili lavozimida ish olib bormoqda.
Avvalroq Nikki Heyli AQSh prezidenti Donald Trampning ko‘rsatmasiga muvofiq, BMTni moliyalashtirishni qisqartirish choralarini izlayotgani haqida xabar berilgan edi. Agar AQSh xalqaro tashkilotni moliyalashtirishni qisqartirsa, bundan tinchlikparvarlik kuchlari jabr ko‘rishi mumkin.
92 ming kishilik tinchlikparvar kuchlar ta’minoti so‘nggi 20 yil ichida yiliga 8 milliard dollargacha o‘sdi, chunki BMT qo‘shinlari hozirda shunchaki qurolsiz kuzatuvchi vazifasini o‘tayotgani yo‘q.
Ayni vaqtda, AQSh mazkur mablag‘ning qariyb 28 foizini taqdim etadi, bu Xitoy, Yaponiya va Germaniya taqdim etgan mablag‘larni birga qo‘shib hisoblagandan ham ko‘proq.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)