Rossiya bosh vaziri yaqin vaqtlarda kasal bo‘lmaganini bildirdi. Dmitriy Medvedev bu haqda avtotashuvlar sohasida faoliyat olib borayotgan rus tadbirkorlari bilan bo‘lgan uchrashuvda ma’lum qildi, deb xabar beradi TJournal.
Uchrashuv ishtirokchilaridan biri bosh vazirning sog‘ayib ketgani bilan tabriklagani uning aslida kasal bo‘lmaganini bildirib qo‘ydi. “Men kasal bo‘lmagandim ham”, — dedi Medvedev.
Rossiya bosh vaziri 14-mart kuni o‘zi rahbarlik qilayotgan hukumatning majlisida qatnashmagan edi.
Rossiya prezidenti Vladimir Putin bosh vazirning yo‘qligini izohlar ekan, uni betob bo‘lib qolganini aytgan va: “Dmitriy Anatolyevichni saqlab qola olmadik”, deya qo‘shimcha qilgan edi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)