Shotlandiya assambleyasi (parlamenti) Londonda yuz bergan terakt munosabati bilan hududning mustaqilligi masalasida o‘tkazish rejalashtirilayotgan referendumga doir debatlarni to‘xtatdi. Bu haqda “RIA Novosti” xabar bermoqda.
22-mart, chorshanba kuni yangi referendumni o‘tkazish bo‘yicha masalani ovozga qo‘yish rejalashtirilgan edi. Endi bu tadbir o‘tkaziladimi-yo‘qmi, hozircha noma’lum.
22-mart kuni noma’lum shaxs Londonning Vestminster ko‘prigidagi piyodalarni mashina bilan urib o‘tdi, shundan keyin parlament binosi oldidagi to‘siqqa borib urildi. So‘ng politsiyachilarga hujum qilib, ular tomonidan otib o‘ldirildi.
Hodisa oqibatida bir necha kishi tan jarohati olgan, xususan, bir politsiyachi pichoq bilan yarador qilingani, bir ayol esa vafot etgani aytilmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)