London politsiyasi Buyuk Britaniya parlamenti binosi oldida yuz bergan va o‘nga yaqin odamning jabrlanishiga sabab bo‘lgan hodisani terakt sifatida tergov qilmoqda. Bu haqda Meduza xabar bermoqda.
“Biz mazkur hodisani to buning aksini tasdiqlovchi dalillarni qo‘lga kiritmagunimizcha terrorchilik hodisasi sifatida tergov qilamiz”, — deyiladi politsiya bayonotida.
Dastlabki ma’lumotlarga ko‘ra, 22-mart kuni kunduzi mashina bo‘lgan noma’lum shaxs Vestminster ko‘prigida bir necha piyodani urib o‘tgan, shundan so‘ng parlament binosi oldidagi to‘siqqa borib urilgan.
Deyarli shu vaqtda parlament oldida navbatchilik qilayotgan politsiyachilarga pichoq bilan hujum qilingan; politsiya hujum qilgan shaxsga qarata o‘t ochgan.
Har ikkala hodisada ham bir kishi harakat qilganmi-yo‘qmi, hozircha rasman noma’lum.
Halok bo‘lganlar va jabrlanuvchilar haqida rasmiy axborot yo‘q. Hodisa joyida bo‘lib turgan Reuters fotomuxbiri o‘ndan ortiq odam jabrlangani haqida xabar bergan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)