Шотландия ассамблеяси (парламенти) Лондонда юз берган теракт муносабати билан ҳудуднинг мустақиллиги масаласида ўтказиш режалаштирилаётган референдумга доир дебатларни тўхтатди. Бу ҳақда «РИА Новости» хабар бермоқда.
22 март, чоршанба куни янги референдумни ўтказиш бўйича масалани овозга қўйиш режалаштирилган эди. Энди бу тадбир ўтказиладими-йўқми, ҳозирча номаълум.
22 март куни номаълум шахс Лондоннинг Вестминстер кўпригидаги пиёдаларни машина билан уриб ўтди, шундан кейин парламент биноси олдидаги тўсиққа бориб урилди. Сўнг полициячиларга ҳужум қилиб, улар томонидан отиб ўлдирилди.
Ҳодиса оқибатида бир неча киши тан жароҳати олган, хусусан, бир полициячи пичоқ билан ярадор қилингани, бир аёл эса вафот этгани айтилмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)