AQSh prezidenti Donald Trapning qizi Ivanka davlat rahbari maslahatchisi huquqida Oq uyda alohida kabinetni egallaydi va otasining “ko‘z-qulog‘i”ga aylanadi. Bu haqda Ivanka Trampning advokati Jeymi Gorelik ma’lum qildi, deya xabar beradi “TASS”.
Gorelikka ko‘ra, uning kabineti AQSh prezidenti qarorgohi g‘arbiy qismida, ikkinchi qavatda joylashadi.
Oldinroq 35 yoshli Ivanka otasiga faqat ayollar huquqi borasida ko‘mak berishi aytilgan edi. Biroq endi uning faoliyat doirasiga keng ko‘lamdagi masalalar kirishi ma’lum bo‘ldi.
Shu bilan birga, AQSh prezidentining qizi qasamyod keltirmaydi va rasman biror lavozimni egallamaydi. Unga davlat rahbari maslahatchisi tariqasida maosh ham to‘lanmaydi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)