Rossiya hamda Bosniya va Gersegovina 21-mart, seshanba kuni sobiq Ittifoq majburiyatlarini bartaraf etish bo‘yicha hukumatlararo kelishuvni imzoladi. Bu haqda “Vesti.ru” xabar bermoqda.
Sobiq Ittifoq va sobiq Yugoslaviya o‘rtasidagi savdo aylanmasiga doir hisob-kitoblar bo‘yicha Rossiyaning Bosniya va Gersegovina oldidagi qarzi 125,2 million dollarni tashkil etadi.
Rossiya moliya vaziri o‘rinbosari Sergey Storchakka ko‘ra, bu sobiq Ittifoqning so‘nggi qarzi bo‘lib, u 45 kun davomida to‘lab beriladi.
Rossiya sobiq Yugoslaviyaning qolgan respublikalari (Serbiya, Xorvatiya, Chernogoriya, Makedoniya va Sloveniya) oldidagi qarzdorlikni 2011—2016-yillar davomida to‘liq qoplagan edi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)