18-mart kuni xalq deputatlari Buxoro viloyati kengashining navbatdagi sessiyasi bo‘lib o‘tdi. Viloyat hokimligidan ma’lum qilishlaricha, unda viloyat hokimi O‘ktam Barnoyev ham qatnashgan.
Sessiyada tashkiliy masala ko‘rilgan. Viloyat ichki ishlar boshqarmasi boshlig‘i Sh.O‘rinov lavozimidan ozod etilib, ushbu vazifaga podpolkovnik Shuhrat Aliyev tayinlangan.
Xabar berishlaricha, Shuhrat Aliyev shu kungacha Qashqadaryo viloyati Ichki ishlar boshqarmasi boshlig‘i o‘rinbosari lavozimida ishlab kelayotgan edi.
“Deputatlar O‘zbekiston Respublikasi Prezidentining ushbu qarorini bir ovozdan tasdiqladi”, — deyiladi hokimlik axborotida.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)